MOTE 睫毛液 (大約￥1800)
出發前我都有做定功課，呢隻牌子嘅睫毛液有增長睫毛嘅功能，講緊嘅係你d真睫毛會越用越長，聽到都心心眼啦~~係日本被譽為No1嘅睫毛液！！主要係因為佢添加左美容液成份，化妝同時修護，唔怕睫毛易斷易甩。
不同顏色有不同功效：
紅色：纖長
橘色：濃密
金色：纖長（啡色）
天藍：梳子根根分明
深藍：打底睫毛膏
綠色：睫毛增長美容液
我嘅睫毛本身短少無力，所以我會先用“濃密”加強厚實感，再用“纖長”加強長度，好可惜我購買時“濃密”已經賣晒，我最後買左睫毛底膏。既然佢嘅睫毛液有增長睫毛功能，估計“睫毛增長美容液”功效也應該不裕，所以就一併買埋~~
官網：http://motemascara.com/
Quality 1st All in one sheetmask
榮登@cosme第一位嘅面膜！我分別買左moist同埋Best兩款。
Moist (大約￥330一包7片)
有35種美容成份同高保濕美容液，補濕一流，質地比較水狀，我係混合性皮膚就覺得剛剛好~
Best (大約￥330一包3片)
一睇價錢就知相對地矜貴，但其實都係好平！有63種美容成份，提升肌膚彈性，相對地質地比moist滋潤，我就會留番冬天用~
另外仲有1包30片同50片裝，平均黎講就仲抵d。而且雖然唔係每一片面膜都密封，但並無使用防腐劑，唔會對皮膚造成負擔！我自己就好鍾意一包7片的設計，去5日旅行，計埋出發前同回程後，剛好用完一包，非常方便！
官網：http://www.q1st.jp/
Kanebo絲襪 (大約￥500)
香港人真係比較少著肉色絲襪，因為會覺得好娘，但日本出左好多好貼近膚色嘅絲襪，著左都唔會好覺眼，最重要一著就可以遮掉腳上瑕疵，非常方便！
Kanebo係日本其中一個著名嘅化妝品牌，係藥妝店見到佢出產嘅絲襪，就二話不說放入購物籃。我揀呢款係用粉底做封面，著左對腳就好似搽左粉底一樣，但又唔怕落雨濕水會溶。而佢分顏色係真係好似粉底揀顏色咁分架，我買嘅係FBE屬於偏白嘅顏色，不過著嘅時候就唔覺得似絲嘅感覺，反而有少少似尼龍嘅質地，咁就無咁易爛，但就比較焗身。
Sofina 控油base就好用到出晒名，所以係日本見到都會掃少少貨返黎~
Chocola BB lucent C
平時食開Chocola BB pure，可以補充維他命B群，促進皮膚新陳代謝、預防口腔發炎、消除疲勞，通常食得糖多或者熬夜第二日我都會補充下。依家除左pure版仲出左美白版，成份除左有維他命B群，仲有維他命C、維他命E和L-半胱氨酸。針對皮膚黑色素，減淡色班。
Shiseido spotscover foundation ￥1200
你無睇錯呢粒好似遮瑕膏嘅其實係粉底，不過用作粉底我就覺得太厚，所以我係會當遮瑕膏用，因為它遮瑕度高，質地不會太乾，易推，非常好用！S100色號普遍女生都適用，深色d嘅S101都仲未用過。
除左化妝品我仲買左唔少鞋墊，係￥300店買嘅，計番港幣都係$21咋，平時係log-on買真係唔只呢個價！好抵好抵！！
不得不提嘅仲有沖繩非常有名嘅鹽屋，我買左home spa、雪鹽鹼、入浴劑。Home Spa可以用係面、身體、頭皮同埋牙齒！一物多用！
佢仲會有中文說明書，等你返去加埋其他材料係屋企做番個SPA。去完角質再用入浴劑浸下浴，放鬆一下，好爽呢~~~
