呢篇係我第一篇寫嘅穿搭文，如果有睇過我嘅文章都知道我平時分享嘅多數都係美食、護膚化妝同旅遊~~咁點解突然會有寫穿搭文的衝動呢？其實係因為之前有好多sis睇完我介紹芭堤雅酒店嘅文章後pm問我條裙係邊買？一般身高著條裙會唔會太長？^^當我答其實我高度只有153cm，一般身高就一定唔會太長時，大家都好似唔係好相信我只有153cm。。。
所以我忽發奇想，可能有些女生同我一樣都係屬於15Xcm嘅一員，平時買衫有d難度，一般size嘅衫會oversize，有種“晾”唔起嘅感覺。。不如寫下穿搭文，大家一齊分享下啦~~
廢話講太多，入正題先~~~~
Challenge 1 ♥連身長裙♥
今次分享下詢問度很高嘅連身長裙~~ 通常個子小嘅女生著短裙短褲都有助拉長比例，所以對長裙都會敬而遠之，但其實只要揀得啱就算個子不高都可以著長裙架！揀連身長裙需要留意4個重點：♥裙長 ♥腰線位 ♥款式 ♥顏色
以我旅行嘅連身裙為例，其實本身條裙都幾大件，而且唔夠修身，長度到我腳眼。但係勝在腰線位高，只要用白色皮帶束緊腰位就唔會變孕婦裙。至於款式可以揀外長內短／前短後長，視覺上會有著短裙嘅效果架~~加上船底鞋／高跟鞋，令上半身同下半身嘅比例達到3:7，睇落就會高好多~~ 另外，嬌小女生好易埋沒左係人群當中，著亮色系有放大嘅作用，會令人睇落無咁細粒架~~
白色連身長裙／MJStyle
白色皮帶／H&M
船底鞋／ Oriental Traffic
帽 / H&M
想簡約輕便一D，可以選擇修身款式連身中長裙。修身款我會揀深色系，有助修飾身型。裙長大約到小腿中間嘅款式，因為無咁累贅，就唔會有壓縮左個人嘅感覺，而且著平底鞋都唔會太矮~~
墨綠色連身長裙／Forever 21
銀色布鞋／Global Work
袋 / Lowry Farm
希望各位嬌小女生都搵到適合自己嘅連身長裙啦~~下回預告：半身長裙♥~
快d Subscribe我唔好錯過更多分享喇~~
Facebook page: Kelly Discovery
沒有留言:
張貼留言