沖繩~~有唔少新人都會去影結婚相~~剛剛3月中我就去左沖繩化pre wedding~~
趁住今日放假同大家分享下當地美食啦~~~
七輪燒肉 安安 - 平民價錢燒肉店
呢間燒肉店係化妝客人介紹我地去嘅，佢地話逐碟逐碟叫都好平，次次黎沖繩都會去，聽到咁嘅評價點可以唔去試下呢~
我地去嘅係喺國際通附近的分店，進店後，店員會詢問我們選擇一般座位還是禢禢米式座位，我地異口同聲都揀一般座位XD禢禢米坐唔慣真係驚腳痺
(菜單圖片來自官網)
我地點得最多係牛，另外亦點了雞脾肉、墨魚、帶子等等…我地一行4個人食左十幾碟，又叫飲品，每人HK$200都唔洗，真係好抵，仲要好食！而且店員服務態度非常好，上菜又夠快~~
食完上網才發現原來有好多間分店架~~失敬失敬
四季鐵板燒 – 靚仔師傅
食完平價燒肉不如食下貴價D嘅鐵板燒，呢間鐵板燒有其專屬停車場，泊位變得更方便。因為我地無book位，去到時要等候半個鐘，主要原因唔係無位，係未有師傅得閒。等候期間可以睇下餐牌打發下時間。
我地揀左和牛、Agu豚肉同龍蝦。一開始有湯、蒜蓉包同前菜。前菜師傅幫我地揀左薯仔同豆腐，之後就上主菜和牛同沖繩豚肉(龍蝦掛住食唔記得影相><)，最後仲有炒飯。
到尾聲，靚仔師傅仲會有少少表演，隔離枱的小朋友就睇到嘩嘩聲，我諗隔離枱個師傅滿足感會大好多~~
整體黎講，由於鐵板燒比較油，食完前菜都已經有少少膩，主菜其實都好食嘅，但係太油嘅關係就唔會想食得多~~
