Kelly Discovery ♥ Discover 。 Share 。 Enjoy together : 2016

2016年12月5日星期一

冬日彩妝分享 ♥ KOSÉ鎖色魔法x Visée 閃爍魅力

冬天就快到，又係變妝好時候~~ 春夏天Kelly比較喜歡清新妝感，秋冬就想來點改變~~今次就用左KOSÉ 同Visée嘅彩妝品，打造冬季妝容~~♥

Visée彩妝品一向包裝都好精緻，今次用上黑色蕾絲就更顯高貴華麗~~見到都心心眼~♥v♥~眼妝係Kelly 好重視嘅部分，大地色Kelly日日都已經用，今次試下Visée呢個冷色調嘅紫啡眼影。顏色配搭得宜，一盒就能輕鬆打造不同妝感~~~

眼妝 ♥ Visée Glossy Rich Eyes – PU-4 $98

Step1 用指尖將base塗在上眼簾及下眼頭位置。

Step2 用盒內附有的大眼影棒把香檳色塗在眼窩位置。

Step3 用大眼影棒把紫色塗在雙眼皮位置。

Step4 用細眼影棒沾上深啡色，在睫毛根部劃上眼線。眼線線條不用大銳利，以打造柔和感。剩餘的塗在下眼尾1/3，並與上眼線連接。

Step5 最後在臥蠶位置掃上a。

眼影微微閃爍嘅效果非常自然，令到隻眼睇落水汪汪，又唔會太過閃，新手都好易handle。而深啡色眼影能加強眼睛深邃感，唔洗用eyeliner pen同睫毛膏對眼都已經好精靈，而且眼神柔和不會太濃妝~♥

如果想加強眼妝銳利感，則可以配合上揚眼線同睫毛液~~

眼妝完成就到眉毛喇~ 由於眼睛畫長左，記得眉毛都要一齊加長，如果唔係就好怪架喇~~首先用上 ♥ Visée Coloring Eyebrow Powder BR-2 $78♥，呢款眉粉好得意架，有黃色、綠色，同我用嘅桃紅色~~係咪無見過呢？其實我地成日都染髮，眉毛要同頭髮顏色match番先唔會有違和感架~~我頭髮染嘅啡色係帶少少紅嘅，所以就適合桃紅色。

用佢附送嘅眉掃沾上最深色嘅眉粉，由眉峰畫去眉尾。然後，淺色混合桃紅色，由前到後掃整條眉~~

完成後再用♥ Visée Coloring Eyebrow Mascara BR-4 $58 ♥ 將自己真的眉毛顏色變淺，咁就同頭先畫嘅眉毛一致番~~

冬天又點可以無紅唇呢！？♥ Visée Color Polish Lipstick RD421 $105♥ 質地細滑、顯色度高，而且夠滋潤度~~搽一層已經好出色~~

但最令人煩惱嘅係紅唇一定要搽得夠入，否則會兩截色，但搽得入就容易沾污牙齒。而且飲野、食野弄花唇妝時，紅唇會更為顯眼 > < 唔想成日補妝，KOSÉ 推出嘅新品就可以幫我解決呢個煩惱喇~~♥

♥ KOSÉ LIP GEL MAGIC 6g $105♥

♥ 含氟嘅油性成分可以係咀唇上面形成薄膜，唇膏就唔會再沾到餐具、衣物或者其他物件上面啦~~

♥佢仲有super lasting成分，一聽就知道有好強嘅防脫妝能力。出門前搽完就可以keep好耐~~唔怕無時間補妝，時刻都好似剛剛化完咁靚~~

♥唇色鎖得住，都要水潤飽滿先至靚架~~呢枝gel仲有咀唇好需要嘅保濕成分，例如透明質酸同角鯊烷等等~~鎖色之餘仲呵護住雙唇~~

♥更重要係不含人造色素同香料，揀化妝品都要精明，用係自己度嘅一定要揀成分安全嘅先用得安心。

♥唔好睇佢細細枝，一枝可以用到60次左右架~~~

用嘅方法都好簡單~~

Step1 首先搽左自己鍾意嘅唇膏，等待10秒

Step2 將KOSÉ LIP GEL MAGIC搖勻，變成乳白色凝膠狀

Step3 用指尖取一粒米嘅份量(記得唔好攞太多啊~~)，沿住輪廓左右來回塗上，

記得唔好漏左咀角、咀唇內部啊~~

♥小提士♥

LIP GEL MAGIC 如果用係唇膏以外嘅產品可能無法發揮最大功效架~~同埋搽完都唔好用力摩擦個咀或者成日摸佢XDD我諗大家都會錫住自己雙唇嘅~~

如果你都想買CP值咁高嘅化妝品，去KOSÉ專門店同SASA就搵到架喇~~

Follow me ♥~

♥Facebook♥ ♥Instagram♥ ♥Blogspot♥ ♥UBlog♥ ♥Wordpress♥

♥歡迎邀稿/出席活動♥ makeup.kelly@yahoo.com.hk

2016年10月20日星期四

♥電子產品 ♥生活最好的partner。SUDIO VASA BLÅ藍芽耳機

作為化妝師、OL、blogger嘅我，一到旺季，星期一至日都在忙。休息時間不多，娛樂也變成奢侈品。疲憊時能夠聽聽音樂，調劑一下已經很寫意。音樂是生命最好的治療師，而它最好的partner是SUDIO VASA BLÅ藍芽耳機~♥

SUDIO 是一個來自瑞典，以人手工藝制作耳機見稱的品牌。名字的靈感來自於Phil Collins《Sussudio》這首經典名曲。

Sudio Vasa BLÅ - Rose GoldWhite HK$680

Kelly收到送來的耳機時，很驚喜~ 沒想到網購的包裝也這麼精緻~~ 白色盒子配上紅色絲帶，簡約又吸睛的配搭~~

SUDIO VASA BLÅ藍芽耳機有分IOS同Android系統，買嘅時候記得揀番啱嘅款式啊~~我用嘅係I phone當然揀番IOS系統啦~~耳機有黑、白、藍同埋粉紅4隻色。

Kelly揀選了既時尚又清新的白色，耳機配以鍍金細節點綴，簡約優雅，容易配襯。隨機有個同色的靚靚真皮套，耳機唔洗亂放係手袋入面，整齊乾淨好多~~

而最重要佢仲配備埋唔同尺寸的耳塞！非常體貼細心呢~~ Kelly不是大耳窿，很多時耳塞太大會感到不適，還很容易“彈”出來。現在可以選擇到最適合自己的尺寸，配戴時更感舒適~

隨機還配備了保養卡、固定夾、充電線同電池。

自從收到VASA BLÅ藍芽耳機，Kelly就日日都帶住佢。平時返工放工都很喜歡聽著歌休息，但有時環境很嘈吵，難免感到煩擾。VASA BLÅ內置尖端嘅驅動程式與音頻放大器，音質非常好。像置身於錄音室一樣，能隔絕身邊嘅噪音，好好享受專屬嘅休息空間~

VASA BLÅ亦都係Kelly做運動嘅好朋友~~ 平時一個人在海濱長廊跑步，不聽著歌會沒甚麼動力。聽著輕快的節奏，才找回熱血的自己~ VASA BLÅ 14g輕身設計不會造成負擔，做運動都不易滑落，依家已經成為Kelly跑步、運動嘅必備配件~

除左聽歌，VASA BLÅ仲可以無線接聽電話，同用耳機上的按鍵遠程遙控。有時候雙手唔得閒，有緊急電話都唔洗miss左。夜晚又可以一邊做自己野，一邊傾電話，非常方便！

更重要嘅係耳機可以10分鐘快速叉電，120分鐘已經叉滿電，可以8小時無間斷播放。沖涼嘅時候叉一叉，第二日又可以用成日~~完全滿足用家所需啊~~

♥ 如果你都想買，優惠黎喇~~~

凡於Sudio官網（香港站）http://www.sudiosweden.com/hk購買任何產品，輸入我嘅優惠代碼「kelly_discovery」，即可額外享85折。仲全港免運費，包一年保養架~~

2016年10月18日星期二

♥護膚♥再近都唔怕黑頭粉刺唔見晒。Cellnique Skin Action Sebum Gel

秋天到，又係去旅行睇紅葉嘅日子~~平時出街都仲可以化下妝，遮下D黑頭粉刺。但係去旅行總有D時候係全素顏架嘛，真係唔想佢地走晒出黎同大家say hello。。。最近Kelly試用左Cellnique嘅Skin Action Sebum Gel，真係幫我KO晒D黑頭粉刺喎~♥

可能大家對Cellnique未必好熟悉，其實佢係新加坡一個超過20年美容經驗嘅品牌，多達200間美容院都用佢地出嘅護膚品。品牌仲攞過「BEST BEAUTY BUYS Women’s Weekly 2015 Winner」、「城邦美妝大賞」及「Thefemale BEAUTY AWARDS 2015 WINNER」等美容產品獎項。絕對係信心保證~~依家產品仲由美容院擴展到零售店發售，等大家都可以買到佢嘅產品~~

♥Cellnique Skin Action Sebum Gel淨純肌膚去黑頭凝膠 30ml$510♥

主要成份：歐洲鱗毛蕨萃取、壬二酸酯、水解牛奶蛋白

用後感：

之前都分享過，Kelly係混合性皮膚。T字位，尤其是鼻頭，係超易出油！所以好易有黑頭粉刺。。。

如果黑頭粉刺發炎就會變暗瘡架喇。。到時想遮都難。呢枝gel含有嘅歐洲鱗毛蕨萃取，有抗炎鎮靜嘅功效。咁就可以預防皮膚發炎同刺激，減少出痤瘡嘅機會喇~

呢枝gel入面嘅壬二酸酯可以控制過度油脂分泌同軟化角質，咁就唔會有過多嘅油脂塞住個毛孔~

毛孔疏通左，但係依然大大個好似橙皮咁都唔可以唔理架！成份入面嘅水解牛奶蛋白能夠抓住水分同時收細毛孔。咁毛孔細緻番，就唔怕積聚環境中嘅污染物啦~

使用方法都好簡單，早晚用完爽膚水同眼霜後，搽係T字位或黑頭粉刺部位就OK。

Gel狀質地好好推，唔會笠。搽上面涼涼地，好快吸收~ 即使朝早使用，化妝都不會有擦膠碎。而且用少少已經夠搽T字位，所以30ml其實可以用好耐~~~好抵用呢~~

洗完面一個鐘，用左去黑頭凝膠會無出咁多油。底妝都無平時咁易溶~~

而最令Kelly驚喜嘅呢就係連續早晚用左5日，已經見到d黑頭真係清左好多~~好Amazing呢~~

每日簡單一個步驟就可以清潔同收細毛孔，還原靚靚嘅皮膚~ 咁素顏去旅行都無有怕啦~~~

如果你都想買嘅話，可以去以下獨家銷售點或者網頁購買：

♥全線 Colourmix 卡萊美 & MORIMOR

♥網上訂購： http://www.colourmix-cosmetics.com/

想了解多d品牌資料就可以去佢地Facebook: Cellnique HK同官網http://www.hk.cellnique.com/ 瀏覽~~~

**************************************************************************

產品由公關公司提供，本文純屬個人試用感受。詳情請向品牌作進一步查詢。

Follow me ♥~

Facebook-Kelly Discovery

Instagram-Kelly Discovery

♥歡迎邀稿/出席活動♥

2016年10月3日星期一

♥好物♥9月清空好物

對於鍾意試新野嘅Kelly黎講，家中自購品同試用品加加埋埋都有幾十枝。能用到空瓶的產品就好似The Hunger Games嘅Winner一樣，一定有其過人之處XDDDD今個月能用到最尾的就只有3樣，全部自費購買的~~

♥SkinCeuticalsHydrating B5 55ml $1160♥

主要成份：透明質酸、維他命B5。透明質酸是人體的天然保濕劑，能鎖緊皮膚水分。維他命B5可以修補皮膚組織，補充所需營養。

用後感：呢枝已經係我用完嘅第2枝喇~ 鍾意B5嘅原因係因為水感質地好易吸收，保濕之餘亦唔會為肌膚帶來負擔。夏天用都唔怕出暗粒~~ 不過B5精華好多牌子都有推出，我就試過Bicelle 同SkinCeuticals，坦白講我就覺得差唔多。依家已經開始秋天，可以用再保濕一點的精華。B3 Ceremide保濕能力更出色，所以黎緊會試下新野先，B5暫且唔回購住~~

評分5個♥為滿分

保濕度：♥♥♥

清爽度：♥♥♥♥

抵買度：♥♥

回購度：♥♥♥