之前出左第一篇穿搭文介紹連身長裙，多謝曾經讚好文章嘅sis^^
坦白說，穿搭不是我強項，寫穿搭文只係想分享一下153cm都可以有多D唔同嘅嘗試~~
有些sis留言話我好瘦所以著長裙無難度，的確我屬於偏瘦身型。但我係有d啤梨身型，上半身非常瘦，下半身線條比較粗壯。平常久坐patpat會變橫，小時候跳芭蕾舞、短跑都令小腿肌肉很發達，但我手臂係瘦到條柴咁，所以我雖然瘦但身型並不均勻。幸好近年流行健身，大家唔再一定要追求線條修長柔和的雙腿，對肌肉感較強的蜜大腿亦會有另一番欣賞，再加上近年流行長裙闊褲，正正可以掩飾我的缺點。。。
Challenge 2 ♥半身長裙／闊腳褲♥
基本上，半身長裙／闊腳褲和連身長裙嘅原理係一樣~~只要令上身同下身嘅視覺比例達到3:7，睇落就會高d~~ 揀選時需要留意 ♥腰位 ♥款式 ♥顏色
♥腰位 半截裙同連身裙唔同，連身裙太鬆加腰帶束一束，腰線就會變得明顯。但半截裙如果太鬆(尤其是粗橡筋頭)睇落條腰就會粗左，再加腰帶就厚上加厚，睇落條腰就粗上加粗。所以買一些腰位係索繩設計的半身長裙，就可以啱身又唔洗另外加皮帶。
♥款式 仍然建議外長內短／前短後長設計，視覺上會有著短裙嘅效果~~ 淨色設計可以揀選長度到小腿的款式，會無咁累贅。
♥顏色 主要看質料而選擇。
通花長裙唔係個個人會欣賞，有些人可能會覺得似蚊帳，但我就覺得好夏日。兩側開叉的設計既方便走動，又帶點少性感。配上短身上衣，即使唔著高跟鞋，都有顯高效果~~
藍色入膊背心／6ixty 8ight
白色通花半身長裙／Como
銀色布鞋／Global Work
啤梨身型可以選擇橫間一字膊上衣，有平衡身型效果。呢條褲質地比較挺身，唔適合選擇淺色。腰身Ruffle加腰帶設計，可以帶出girly同semi-formal嘅感覺，唔會太casual。
灰白橫間一字膊上衣／Kisso
深藍色束腰闊褲／Kisso
灰色布鞋／Forever 21
灰色手袋／2%
雪紡闊褲質地有垂贅感，淺色都唔會顯胖，配上白色外套加強飄逸感，感覺文靜。
黑白橫間背心／H&M
白色束腰外套／馬鞍山小店
淺灰藍色雪紡闊褲／葵涌廣場
銀色布鞋／Global Work
同樣係半身長裙／闊腳褲，不同質地、顏色就可以打造不同感覺，希望各位嬌小女生都搵到適合自己又顯高嘅半身長裙／闊腳褲啦~♥
快d Subscribe我唔好錯過更多分享喇~~
Facebook page: Kelly Discovery
沒有留言:
張貼留言