2016年9月26日 星期一

♥療程♥抓住夏日的尾巴。曬。都要有白滑美背

夏天一到,背心、off shoulderbikini統統出場,背脊都會同大家say hello~~ 但係最近kelly背脊生左唔少粉刺,有時沖涼手多多諗住整走佢地,但係整佢地唔走之餘,仲留低D印一撻撻,點見人喎!?
 
 
 
早前kelly獲邀去左Aquarius beauty 水瓶座醫學美容中心體驗佢地獨家引入Dr. Eugene Van Scott 研創嘅背部煥膚術♥ ~~ Kelly對今次療程好期待啊~~仲有十幾日就生日,好想著靚靚去慶祝架嘛~~希望快快睇到成果!!
 
今次去嘅係尖沙咀店,地點方便易搵,我呢個路痴都搵得到XD一去到,職員就好體點問我飲唔飲野,然後同我登記。之後顧問就詳細講解左今次療程的程序、功效、注意事項等。要知道皮膚係我地嘅,所以每次做療程前都要了解清楚~
 
之後入到房,美容師提供了tube-dresscap俾我更換,然後療程就開始喇~
 
療程分左3個部份,美容師每做一個步驟都會話你知做緊咩,咁就唔洗自己估估下咁茫然。。
 
Step 1
 
一開始,美容師先清潔一下背部,然後用水晶粉幫我溫和咁去除皮膚表面死皮。唔好聽到水晶粉就以為一定好刺激好痛,雖然睇相我背脊好紅(因為我係洗面皮膚都會泛紅架),但其實一d都唔痛,有d似微型吸塵機啜啜下嘅感覺~~
 
去死皮只係表層清潔,皮膚底層仲有好多多餘嘅油脂同污垢,美容師就用個冰涼嘅機碌下碌下。原來呢個過程係“去漬”,睇相都見到我個背脊有d黑色走出黎。。。
 
Step 1 完成
 
Step 2
 
大家都知深層清潔完最驚就係毛孔擴張同埋皮膚變乾!所以美容師即刻利用儀器將純氧同埋活性營養,趁毛孔清潔完,注入肌膚深層。感覺精華好水感,又有d風,涼浸浸好舒服~~ 呢個步驟有效收細毛孔,仲可以保濕殺菌~~ 唔想背部粒粒反覆出現,抑制細菌滋生好重要架~
 
 
 
Step 3
 
仲未完架~~~話明煥膚,當然唔少得要做果酸。Step 3 總共會做3mask,好似平時做完facial要敷mask~1個呢就係用20度果酸mask,美容師喺step 1 見到我皮膚咁紅都有問我需唔需要減少度數,其實我面都有喺醫生度做開果酸,所以我皮膚紅喺正常反應,並唔會痕唔會痛,過一陣就會無事,所以我就話無問題。結果當然無問題啦~~ 之後就敷左個感覺滋潤嘅mask,舒服到我訓著左XD
 
 
 
3mask係撕出黎果種mask,但都係一d都唔痛。最後搽完cream就完成喇~~
 
 
療程大約1個鐘~~走嘅時候我嘅皮膚已經無再紅,仲白淨左~~有一種好乾淨 refresh嘅感覺~~~
 
值得一提,美容師好厲害!留意到我嘅粉刺問題只集中喺背脊中間位置,問我係咪好易出汗,我真係一個又怕熱又怕凍嘅人,夏天就大汗到死,冬天就手腳冰冷~~ 美容師建議揀選質地速乾嘅衫,排汗後唔會長時間焗住d汗,就會減輕到粉刺嘅問題~~呢點好值得讚~~一來夠細心,二來真係幫你搵出根源,我最怕嘅就係成日sell人嘅美容師,但佢一d都唔hard sell,成個過程都令我好放鬆~~
 
呢個療程21日為一個更新週期~~ 依家背脊靚晒,著咩衫都唔洗遮遮掩掩啦~~~
 
 
 
*********************************************************************
 
品牌介紹
 
水瓶座美容健康纖體中心“Aquarius Beauty”,創立於2008 年,隷屬Twelve Constellation Group 之「醫學美容及激光治療」品牌,以頂尖的創新科技結合專業美容服務,讓每位顧客都得到最貼心及最有效的專業治療。我們獨家引入Dr. Eugene Van Scott 研創之“背部煥膚術”作針對性背部治療,得到顧客的高度評價,更獲多個卓越美容品牌獎項,令我們成為香港首間醫學護背專家,讓每位顧客無後顧之憂,美麗更徹底。
 
品牌分店已擴展至五間:遍及尖沙咀、銅鑼灣及荃灣、旺角旗艦店更達四千多平方呎,為您提供更多元化專業美容服務。專業治療涵蓋背部治療、激光祛斑、纖體瘦身、暗瘡治療、生髮治療、醫學美容及醫學微整形等。
 
專業美容
 
我們致力培育員工的專業能力達至世界級認可資格,每位治療師均受過「國際先進美容儀器的專業使用培訓」,由國際先進儀器生產大廠牽頭進行,並設有全方位顧客跟進服務,確保每位顧客都能得到最佳效果,讓您得到更滿意,更有效,更安全的美容服務是我們使命。
 
頂尖儀器
 
為了讓每位顧客也得到極佳的治療效果,我們所選用之國際頂尖先進儀器如UltheraThermageLPGCellu M6 Velasmooth 等,均來自美國、瑞士、法國、德國及意大利等歐美科技先驅,更榮獲 ISO9001 ISO9003 國際認可資格,100%安全可靠。
 
優質產品
 
我們嚴選超過50 種歐美護膚產品,均達到世界衞生及國際安全標準,包括:IS CLINICALELLA BACHESAMSUNGTHALGODECLEORILCSI REJEUNE 等,讓不同膚質的顧客也能得到最合適及有效的治療,我們周全及貼心的美容服務,讓您安心放心綻放美麗。
 
*********************************************************************
療程及資料由Aquariusbeauty提供,本文純屬個人感受,詳情請向服務提供者作進一步了解。
♥歡迎邀稿/出席活動♥ makeup.kelly@yahoo.com.hk
 
 


Follow me ~

  

沒有留言:

張貼留言