♥玩樂♥值得一去的Melody展覽

一直以黎Hello Kitty做主角嘅展覽或活動就有好多，melody真係好間中先有，而且規模通常都好細，真係3個字就影完。今次樂富廣場同Sanrio 合辦舉行 “My Melody全城綠運會”，場地大好多，有好多野影啊~~

 

廣場有分A區綠庭園同B區綠運場，兩個區都無冷氣(符合主題響應環保丫嘛)，不過A區有瓦遮頭就無咁曬又無咁熱。當日我去到嘅時候已經下午3點幾，但都仍然好曬，所以我地就去左A區先。

 

A區係以鮮花打造嘅士多啤梨農莊，去到已經有好多人排緊隊喇~~

 

我地第一個排嘅係士多啤梨屋，入面其實係類似貼紙相機咁係螢幕到俾你揀衫、裝飾，每次只可以影一張相，張相會email俾番你嘅。我同閨密玩到勁甩轆，所以整左好耐先影到呢張相。。不過好搞笑咁。。。

 

士多啤梨屋隔離就係小食部，不過雪條已經賣晒得番cupcake，我地又無興趣。。

成個場都佈置得好靚，尤其係呢個花花籃，仲會有工作人員幫你影合照！！花花籃背面都無偷工減料架，成個花牆俾你慢慢影~~

 

花花造的士多啤梨

 

玩左一輪去到4點幾B區仍然係好曬。。但原來B區係有Melody扭氣球派。。可惜我地去到已經截龍喇。。。

 

真係太太太曬。。完全張不開眼。。我地影左少少就走喇。。。

 

整體黎講，我覺得呢個展覽真係好多野影，而且製作認真，好多場境都有道具俾你拎住影相，工作人員都好好人會主動幫你影合照！！唯一係太曬喇，當日有好多小朋友去影相，咁曬真係驚中暑，如果B區都有埋瓦遮頭就正喇~~~

 

My Melody全城「綠」運會

日期：2016年7月8日(星期五) 至8月21日 (星期日)開放時間：10am-10pm地點：領展樂富廣場A區美食坊及B區露天平台

 

Facebook page: Kelly Discovery

Instagram: Kelly Discovery